Münxendə Şults, Əliyev və Paşinyan arasında üçtərəfli görüş

Anadolu agentliyinin məlumatına görə, Almaniya hökumətinin sözçüsü Stefan Hebstreit Almaniya kansleri, Ermənistanın baş naziri və Azərbaycan prezidentinin Münxendə keçiriləcək üçtərəfli görüşü barədə məlumat verib.

Olaf Şults, İlham Əliyev və Nikol Paşinyan arasında üçtərəfli görüş 60-cı Münxen Təhlükəsizlik Konfransı çərçivəsində baş tutub.

Almaniya hökumətinin mətbuat katibinin bəyanatında sülh danışıqları yolunda rəsmi Bakı və İrəvana kömək etmək və uzunmüddətli razılığa gəlmək üçün Berlin və Avropa İttifaqının səylərinin davam etdirildiyi vurğulanır.